:::
::: 您的位置:首頁 > 教師專區 > 教師會 > 母語世界 > 臺語演講稿.友善列印,開新視窗
  臺語演講稿 訂閱臺語演講稿 RSS (另開新視窗)
     
 
推文至 facebook 推文至 plurk  | 回列表 |
臺語演講稿列表
標題 2001台語演講稿:我大漢矣
發佈日期 2009/4/16
發布單位 教師會
點閱次數 1123
詳細內容

我大漢矣 〈國生組:珮珊〉( 2001.10.17 劉明新)

       各位評審老師、各位同學,大家好!今仔日,我欲講演的題目是,『我大漢仔!』。
       咱人唯出世彼工開始,叨逐工佇大漢,毋管是身軀外表的改變,抑是心理上的成熟,伊逐工攏親像樹仔共款,佇不斷的成長。有一擺,我佇整理我的相簿的時陣,看到囝仔時陣的家己,遂引起著我心肝底真濟、真濟的記憶。

       囝仔時陣,我上愛坐在媽媽的大腿,抑是趴在媽媽的懷中聽伊講故事。彼個溫暖的胸前,對我來講,是尚好的眠床,所以別人都叫我是『使泥仔嬰』。彼咧時陣,我生做瘦蓖疤,全身軀攏看會著排仔骨,大家攏笑我是『排骨仔隊』;若拄著問題的時陣,我叨目屎四濫垂,干焦會曉用目屎來解決問題,實在予媽媽一粒頭、兩粒大!

       漸漸我大漢仔,已經不是過去彼個烏焦瘦的『排骨仔隊』仔,嘛不敢隨便擱佮媽媽使泥,目一?睨,我已經並媽媽擱較懸仔。即馬不但毋敢吵欲予媽媽背,反倒轉是媽媽真愛趴在我的身軀頂。唉!大漢真毋好,身材愈來愈大箍,兩隻大腿干若豬腳遐大枝,吃飯的時陣,媽媽袂擱叫我真量吃,三不五時擱會提醒我:『珮姍仔!愛較斬節咧,擱食落去,叨愛減肥囉!』講起來,大漢嘛實在真麻煩,這袂使動,彼袂使做,約束干若愈來愈濟;和坐咧都袂使開跤間,媽媽講:『坐予正,才會得人疼,查某囡仔叨愛有查某囡仔款,上少愛留一寡予人探聽哦!』唉,大漢實在真毋好!

       毋過,大漢嘛實在有大漢的好處,因為媽媽開始予我享受一寡自主的權利。欲交什物朋友,星期假日欲佮什物朋友出去彳亍,媽媽攏開始予我練習做決定,限制已經無親像細漢的時陣遐呢濟;抑過年想欲買一領?衫的時陣,媽媽嘛會真尊重我的選擇。會記得唯兩年前開始,我嘛開始有權利自由使用我的硩年錢,彼擺,我決定將我的硩年錢,一部分儉帶銀行,一部分提來註冊,媽媽擱呵咾我處理了真好,講我真正是大漢囉!

       有東時仔,阮規家伙仔帶客廳佇看電新聞,看到一寡大人佮青少年,做出thâi人放火、搶劫害人,抑是烏西揩油、犯法的代誌,阮爸爸叨會共阮講:人大漢了候,雖然有完全自由的權利,會使決定家己欲行啥麼路,做啥麼代誌,毋過,咱每一個人攏愛為家己的行為,負起完全的責任;所以做任何代誌攏愛謹慎,千萬不通匆p?ng。我才知影,原來大漢叨愛控制家己的欲望佮脾氣,未使濫散來。擱較重要的是,咱愛學會曉尊重別人佮體諒別人。親像講佇公共場所未使大聲講話,未使佇後壁講人的閒仔話,愛知影講話的禮貌;看到媽媽佇無閒,叨主動偎去鬥相共,這才是大漢、捌代誌的好表現。

       我大漢仔,大漢雖然辛苦,毋擱是一件好代誌,伊予我知影做人的道理;伊嘛予我知影人生的價值佮意義,知影這世人欲行唯叨位去。咱大家攏來用感謝的心,感謝父母親人、老師長輩幫助咱大漢。我的講演到這結束,多謝各位。

相關連結 目前無資料
相關檔案 點選檔名時,會以開新視窗方式呈現
2001台語演講稿:我大漢矣(doc檔)